АкушерствоАнатомияАнестезиологияВакцинопрофилактикаВалеологияВетеринарияГигиенаЗаболеванияИммунологияКардиологияНеврологияНефрологияОнкологияОториноларингологияОфтальмологияПаразитологияПедиатрияПервая помощьПсихиатрияПульмонологияРеанимацияРевматологияСтоматологияТерапияТоксикологияТравматологияУрологияФармакологияФармацевтикаФизиотерапияФтизиатрияХирургияЭндокринологияЭпидемиология

Эпидемиологиясы. Инсулинома — өте сирек сырқат, жаңа жағдайлар жиілігі жылына 1млн адамға 1 жағдай сәйкес келеді

Инсулинома — өте сирек сырқат, жаңа жағдайлар жиілігі жылына 1млн адамға 1 жағдай сәйкес келеді. Жиі 25-55 жас аралығында диагностикаланады. Балаларда жалпы инсулиноманың 5 %-ы ғана көрініс береді.

Клиникалық көрінісі

· Адренергиялық симптомдар: қалтырау, тахикардия, суық тері, ашығу, қорқыныш, парестезия.

· Нейрогликопениялық симптомдар: астения, сөйлеу, есту, көру қабілетінің бұзылуы, амнезия, ойды жинақтау алмау, бастың ауыруы, сомноленция, тырысулар, салдану, кома.

Аталған симптомдардың айқындылығы кей жағдайларда біршама ауытқиды. Ол тек адренергиялық немесе нейрогликопениялық симптомдар болуы мүмкін, бірақ симптомдардың айқындылығы мен тізбектеліп дамуының гипогликемия ауырлығына байланысты тәуелділігі жоқ. Жылдам және айқын гликемия деңгейінің төмендеуі адренергиялық симптоматика мен естің үдемелі бұзылуымен сипатталатын гипогликемиялық шоктың дамуына әкеледі. Ұзаққа созылған гипогликемия және оның жиі дамитын эпизодтары ОЖЖ-де, әсіресе үлкен ми жартышарларында қайтымсыз өзгерістерді тудырады. Оның көрінісі делириозды және галлюцинаторлы-параноидты эпизодтардан кәдімгі эпилептикалық ұстамаларға дейін ауытқиды, нәтижесі тұрақты ақыл кемістігіне әкеледі.

Ұстама жиі ерте таңғы сағаттарда дамиды, бұл науқастың түнгі уақытта тамақ қабылдамауымен түсіндіріледі. Науқастар әдетте таңертең ұйқысынан әрең оянып, есін зорға жинайды, ұйқылы- ояу қалпында болып, сұрақтарға үстіртін немесе түсініксіз жауап қайтарады. Ұстама әдетте естің терең бұзылысымен аяқталады және ол көктамырға салынатын глюкоза мөлшерінен кейін қалпына келеді. Инсулиномамен сырқаттанған науқастарда тәбеттің жоғарылауы жөніндегі пікірлер шындыққа жанаса бермейді. Науқастардың өздері де тағам қабылдағаннан кейін басталған ұстаманың басылатынын сезеді. Сондықтан науқастар тәтті нан өнімдері мен тәттілерді «дәрі» ретінде, тағамға сұранысы болмаса да өзімен бірге алып жүреді. Инсулиномамен сырқаттанған науқастарда, ауырып жүрген уақыт аралығында, дене салмағы 15–40 кг дейін жоғарылайды.

Дата добавления: 2015-07-25 | Просмотры: 557 | Нарушение авторских прав