Қалыпты жағдайда менопауза 45 және 55 жас арасында көрініс береді (жиі 50–51 жаста). Темекі тартатын әйелдерде менопауза шамамен екі жыл ерте басталады.
5.4 кесте. Климактериялық синдром
Этиологиясы мен патогенезі
Аналық бездерден эстрадиол, прогестерон және андроген өндірілуінің төмендеуі
Етеккірдің шамамен 50 жаста тоқтауы; ФСГ↑. Эстрогенмен терапияны жоспарлау кезінде: маммография, кіші жамбас астауының УДЗ-сі, жатыр мойнынан алынатын жағынды арқылы атипияны анықтау, жүрек-қантамырлар аурулары мен тромбоэмболиялық асқынулардың даму қаупін бағалау
Салыстырмалы диагностикасы
Урогенитальды бұзылыстар, остеопороз, қызба толқындары, эмоционалды бұзылыстардың басқа да себептері
Емі
Эстроген дәрілерімен орынбасушы терапия тағайындауға болады
Болжамы
Эстрогендермен орынбасушы терапия сүйектің сынуын, Альцгеймер ауруы, тоқ және тік ішектің қатерлі ісігі ауруларының даму жиілігін төмендетеді. Дегенмен, сүт безінің қатерлі ісігі мен тромбоэмболияның даму қаупін жоғарылатады
Клиникалық көріністері
1. Әйелдердің 90 %-да етеккір бұзылыстары менопауза басталғанға дейін шамамен 4 жыл бұрын көрініс береді.
2. Қызба толқындары (әйелдердің 40%-да) жиі тершеңдікпен, терінің қызаруымен ұштасып, жиі менопаузадан соң 5 жылдан кейін жоғалады.
3. Несеп шығару бұзылыстары (50%) уретра мен қуық мойнының атрофиясы нәтижесінде дамып, зәрді ұстай алмаумен (жөтелгенде, күлгенде, тез жүргенде), жиі цистит және пиелонефритпен көрінеді.
