АкушерствоАнатомияАнестезиологияВакцинопрофилактикаВалеологияВетеринарияГигиенаЗаболеванияИммунологияКардиологияНеврологияНефрологияОнкологияОториноларингологияОфтальмологияПаразитологияПедиатрияПервая помощьПсихиатрияПульмонологияРеанимацияРевматологияСтоматологияТерапияТоксикологияТравматологияУрологияФармакологияФармацевтикаФизиотерапияФтизиатрияХирургияЭндокринологияЭпидемиология

Эпидемиологиясы. Жалпы популяцияда таралу жиілігі — 0,2–0,3 %

Жалпы популяцияда таралу жиілігі — 0,2–0,3 %. Жиі қалқанша безге жасалынған операция кезінде 2% жағдайда, ал қайта жасалған операцияларда 5–15 % жағдайда көрініс береді.

Клиникалық көрінісі

1. Тетания (тетаниялық ұстама) парастезиямен және фибриллярлы жыбырлаумен басталып, естің сақталуымен өтетін симметриялы түрде аяқ-қолдың бүгілетін жерлерінің («акушер қолы», «жылқы тұяғы»), бет бұлшықеттерінің («балық ауыз»), сирек жағдайда арқа бұлшықеттерінің (опистотонус) ауыру сезімімен тоникалық тырысулары. Гипопаратиреозға тән, бірақ спецификалық емес Хвостек симптомы (бет жүйкесінің шығатын жерінен неврологиялық балташықпен ұрғанда мимикалық бұлшықеттердің жиырылуы), Труссо (тонометр манжетімен иықты байлағаннан 2–3 минуттан кейін «акушер қолының» болуы) және Вейс (көз ұясының сыртқы қырынан ұрғылағанда көздің айналмалы бұлшықетінің жиырылуы) симптомдары анықталады. Тегіс салалы бұлшықеттердің жиырылуы ларинго- және бронхоспазммен, дисфагиямен, лоқсу, құсу, іштің өтуімен, іш қатумен көрінеді. Гипопаратиреозға қызба, қалтырау, жүректің қағуы, жүрек аймағындағы ауыру сезімі секілді вегетативті бұзылыстар тән. Тетаниялық тырысуларға эпилептикалық ұстамалар эквивалентті болуы мүмкін.

2. Трофикалық бұзылыстар мен сүйектен тыс кальцификациялар:

Шаш пен тырнақ өсуінің бұзылуы, тіс эмалінің ақаулары, терінің құрғауы, катаракта, клиникалық хореоатетоз немесе паркинсонизммен бірге экстрапирамидті симптоматикамен көрінетін базальды ганглийлердің кальцификациясы.

Дата добавления: 2015-07-25 | Просмотры: 615 | Нарушение авторских прав